Shyǵys Qazaqstan oblysynda qatty jel birneshe ǵimarattyń shatyryn ushyryp áketti, dep habarlaidy QazAqparat.
ShQO tótenshe jaǵdailar departamenti baspasóz qyzmetiniń málimetine súiensek, búgin Aiagóz qalasy men Ulan aýdany Besterek aýylynda qatty soqqan jel ǵimarattardyń shatyryn ushyryp jibergen.
«Zardap shekken eshkim joq. Sol jerlerde jergilikti atqarýshy organ ókilderinen quralǵan komissiia jumys istep jatyr», - delingen aqparatta.
Aita keteiik, 18 qarashada oblysta daýyldy eskertý jariialanǵan bolatyn. Qar jaýyp, boran soǵady dep kútilýde.
Ońtústik-batystan soltústik-batysqa aýysatyn jel jyldamdyǵy sekýndyna 15-20 metrge, oblystyń ońtústiginde jáne soltústik-shyǵysynda 23-28 metrge, kei jerlerde tipti 30 metrge deiin jetedi.
