Shyǵys Qazaqstan oblysynda iis tigen 4 adam aýrýhanaǵa jetkizildi, dep habarlaidy QazAqparat.
ShQO tótenshe jaǵdailar departamenti baspasóz qyzmetiniń málimetine súiensek, oqiǵa búgin Glýbokoe kentinde bolǵan.
Tazalanbaǵan murja saldarynan bir otbasy músheleri zardap shekti.
«2000, 2002, 2006 jáne 2010 jylǵy tórt adamǵa iis tigen. 2006 jyly týǵan qyzdyń jaǵdaiy aýyr, al qalǵandary ortasha dárejede. Qazirgi ýaqytta barlyǵy aýrýhanaǵa jatqyzyldy», - delingen aqparatta.
Belgili bolǵandai, aýdandyq tótenshe jaǵdailar bóliminiń qyzmetkerleri tamyz aiynda osy úidiń turǵyndaryna peshti jylytý maýsymyna daiyndaý qajettigi týraly eskertken.
«Qutqarýshylar turǵyn úide kómirtegi totyǵynyń quramyn arnaiy aspappen ólshegen edi. Aspap ýly gazdyń bar ekenin kórsetken. Sodan keiin úi iesine bólmelerdi jeldetip jáne peshti paidalaný kezinde buzýshylyqtardy joiý boiynsha usynymdar berildi. Biraq olar órt sóndirýshilerdiń keńesine qulaq aspaǵan», - delingen habarlamada.
