Shyǵys Qazaqstan oblysynda 17-31 qazan aralyǵynda birqatar shekteý engiziledi, dep habarlaidy "Ult aqparat".
ShQO Bas sanitarlyq dárigeriniń orynbasary G.Taǵaevanyń koronavirýs infektsiiasynyń aldyn alý sharalaryn kúsheitý týraly qaýlysynda Óskemen, Semei, Ridder, Kýrchatov qalalarynyń jáne oblys aýdandarynyń perimetri boiynsha shekteý sharalarynyń shekarasyn saqtaý qajettigi aitylǵan.
«Jumys kúnderi (dúisenbiden jumaǵa deiin) turǵyndar arasynda maska kiiý rejimi men áleýmettik araqashyqtyq saqtalyp, demalys (senbi, jeksenbi) jáne mereke kúnderi bei-bereket kóshege shyǵý shekteledi. Demalys oryndaryna jeke nemese bir otbasy múshelerin qospaǵanda, 3 adamnan artyq barýǵa bolmaidy», - delingen qujatta.
Oiyn-saýyq, sporttyq is-sharalardy, mitingilerdi, kórmelerdi, forýmdardy, konferentsiialardy, otbasylyq saltanatty, eske alý sharalaryn (banketter, úilený toiy, mereitoi, as berý) jáne basqa da buqaralyq sharalardy ótkizýge, sondai-aq oiyn-saýyq mekemeleriniń (karaoke, biliard, kompiýterlik klýbtar, túngi klýbtar, boýling ortalyqtary, jabyq úi-jailardaǵy balalardyń oiyn alańdary men attraktsiondary, batýttar jáne t. b.), kinoteatrlardyń (ashyq aýadaǵy kinoteatrlardy qospaǵanda), býkmekerlik keńselerdiń jumysyna tyiym salynǵan. Oblys ishinde qatynaityn avtobýstardyń qozǵalysyna áli de ruqsat berilmedi.
«Kúsheitilgen sanitariialyq-dezinfektsiialyq rejimdi, maska kiiý jáne áleýmettik qashyqtyqty saqtaǵan kezde jáne tiisti daiyndyq aktilerin alǵannan keiin meditsinalyq ortalyqtar, stomatologiialar (jazylý boiynsha), avtojýý oryndary, avtomobilderge tehnikalyq qyzmet kórsetý jáne jóndeý stantsiialary, turmystyq tehnikany jóndeý obektileri, himiialyq tazalaý, kir jýý jáne halyqqa qyzmet kórsetý boiynsha basqa da obektiler, biznes-ortalyqtary (saqtandyrý kompaniialary, advokat, notariýs, býhgalter, konsalting qyzmetteri, jyljymaityn múlik jónindegi agenttikter, jarnama agenttikteri, sot oryndaýshylary jáne t. b.); fitnes-ortalyqtar men sporttyq-saýyqtyrý ortalyqtary, trenajer zaldary, sport keshenderi, SPA ortalyqtary/salondary (toltyrylýy 30% - dan aspaityn, biraq 50 adamnan artyq emes, aldyn ala jazylý boiynsha) jumysyn jalǵastyra alady», - delingen qaýlyda.
