Qashyp ketken qatardaǵy jaýynger eki kúnnen keiin Shyǵys Qazaqstan oblysynyń Znamensk eldi mekeninde ustaldy, dep habarlady Qazaqstan Ulttyq ulanynyń "Shyǵys" óńirlik qolbasshylyǵynyń baspasóz qyzmeti.
"Jeksenbide, 5 sáýir kúni saǵat 17.10 shamasynda 5511 áskeri bóliminiń jeke quramy izdeý sharalary barysynda qatardaǵy jaýynger J-ny Semeiden 60 shaqyrym jerde ornalasqan Znamensk aýylynan taýyp, ustady. Oqiǵanyń sebebi anyqtalýda. Bul fakti boiynsha qyzmettik tergeý júrgizilip jatyr", - delingengen resmi habarlamada.
IIM Shyǵys óńirlik áskeri-tergeý basqarmasy urys jaǵdaiynda nemese tótenshe jaǵdai kezinde bólimdi nemese qyzmet ornyn zańsyz tastap ketkeni úshin Qylmystyq kodekstiń 441-babynyń 3-bóligi boiynsha sotqa deiingi tergeý bastady.
Qatardaǵy jaýynger bes jyldan on jylǵa deiingi merzimge bas bostandyǵynan aiyrý jazasyna kesilýi múmkin.
Eske sala keteiik, 2020 jyldyń 3 sáýirinde 5511 áskeri bóliminiń áskeri qyzmetshisi, qatardaǵy jaýynger J. áskeri atys poligonynda qyzmet ete júrip, ornalasqan jerin óz erkimen tastap, belgisiz baǵytqa ketip qalǵan.
