قاشىپ كەتكەن قاتارداعى جاۋىنگەر ەكٸ كٷننەن كەيٸن شىعىس قازاقستان وبلىسىنىڭ زنامەنسك ەلدٸ مەكەنٸندە ۇستالدى, دەپ حابارلادى قازاقستان ۇلتتىق ۇلانىنىڭ "شىعىس" ٶڭٸرلٸك قولباسشىلىعىنىڭ باسپاسٶز قىزمەتٸ.
"جەكسەنبٸدە, 5 سەۋٸر كٷنٸ ساعات 17.10 شاماسىندا 5511 ەسكەري بٶلٸمٸنٸڭ جەكە قۇرامى ٸزدەۋ شارالارى بارىسىندا قاتارداعى جاۋىنگەر ج-نى سەمەيدەن 60 شاقىرىم جەردە ورنالاسقان زنامەنسك اۋىلىنان تاۋىپ, ۇستادى. وقيعانىڭ سەبەبٸ انىقتالۋدا. بۇل فاكتٸ بويىنشا قىزمەتتٸك تەرگەۋ جٷرگٸزٸلٸپ جاتىر", - دەلٸنگەنگەن رەسمي حابارلامادا.
ٸٸم شىعىس ٶڭٸرلٸك ەسكەري-تەرگەۋ باسقارماسى ۇرىس جاعدايىندا نەمەسە تٶتەنشە جاعداي كەزٸندە بٶلٸمدٸ نەمەسە قىزمەت ورنىن زاڭسىز تاستاپ كەتكەنٸ ٷشٸن قىلمىستىق كودەكستٸڭ 441-بابىنىڭ 3-بٶلٸگٸ بويىنشا سوتقا دەيٸنگٸ تەرگەۋ باستادى.
قاتارداعى جاۋىنگەر بەس جىلدان ون جىلعا دەيٸنگٸ مەرزٸمگە باس بوستاندىعىنان ايىرۋ جازاسىنا كەسٸلۋٸ مٷمكٸن.
ەسكە سالا كەتەيٸك, 2020 جىلدىڭ 3 سەۋٸرٸندە 5511 ەسكەري بٶلٸمٸنٸڭ ەسكەري قىزمەتشٸسٸ, قاتارداعى جاۋىنگەر ج. ەسكەري اتىس پوليگونىندا قىزمەت ەتە جٷرٸپ, ورنالاسقان جەرٸن ٶز ەركٸمەن تاستاپ, بەلگٸسٸز باعىتقا كەتٸپ قالعان.
