Shyǵys Qazaqstan oblysy Aiagóz aýdanynda 66 jylqy urlaǵan er adam ustaldy, dep habarlaidy QazAqparat.
ShQO politsiia departamenti baspasóz qyzmetiniń málimetine súiensek, aýdandyq politsiia bólimine júgingen azamat belgisiz bireýlerdiń erkin jaiylymnan 66 jylqysyn urlap ketkenin aityp aryzdanǵan.
Osynyń saldarynan oǵan 60 million teńge mólsherinde materialdyq zalal keldi.
«Jedel ýákilder oqiǵanyń mán-jaiyn anyqtaýǵa kiristi. Sharýager uialy telefondaǵy mobildi qosymsha arqyly maldyń qozǵalysyn kez-kelgen ýaqytta onlain rejimde baqylaýǵa múmkindik beretin JPS elektrondy qurylǵysyn ornatqan. Bul izdeý jumystarynyń oń nátije berýine óz septigin tigizdi. Urlanǵan maldyń júrgen jerin baqylai otyryp, kúdikti retinde Úrjar aýdanynyń 47 jastaǵy turǵyny ustaldy», - dedi oblystyq PD bastyǵy Saǵat Mádiev.
Qazirgi ýaqytta er adam ýaqytsha ustaý izoliatoryna qamaýǵa alyndy.
QR QK 188-baby 4-bóligi (asa iri kólemde jasalǵan mal urlyǵy) boiynsha sotqa deiingi tergeý amaldary júrip jatyr.
