شىعىس قازاقستان وبلىسى اياگٶز اۋدانىندا 66 جىلقى ۇرلاعان ەر ادام ۇستالدى, دەپ حابارلايدى قازاقپارات.
شقو پوليتسييا دەپارتامەنتٸ باسپاسٶز قىزمەتٸنٸڭ مەلٸمەتٸنە سٷيەنسەك, اۋداندىق پوليتسييا بٶلٸمٸنە جٷگٸنگەن ازامات بەلگٸسٸز بٸرەۋلەردٸڭ ەركٸن جايىلىمنان 66 جىلقىسىن ۇرلاپ كەتكەنٸن ايتىپ ارىزدانعان.
وسىنىڭ سالدارىنان وعان 60 ميلليون تەڭگە مٶلشەرٸندە ماتەريالدىق زالال كەلدٸ.
«جەدەل ۋەكٸلدەر وقيعانىڭ مەن-جايىن انىقتاۋعا كٸرٸستٸ. شارۋاگەر ۇيالى تەلەفونداعى موبيلدٸ قوسىمشا ارقىلى مالدىڭ قوزعالىسىن كەز-كەلگەن ۋاقىتتا ونلاين رەجيمدە باقىلاۋعا مٷمكٸندٸك بەرەتٸن JPS ەلەكتروندى قۇرىلعىسىن ورناتقان. بۇل ٸزدەۋ جۇمىستارىنىڭ وڭ نەتيجە بەرۋٸنە ٶز سەپتٸگٸن تيگٸزدٸ. ۇرلانعان مالدىڭ جٷرگەن جەرٸن باقىلاي وتىرىپ, كٷدٸكتٸ رەتٸندە ٷرجار اۋدانىنىڭ 47 جاستاعى تۇرعىنى ۇستالدى», - دەدٸ وبلىستىق پد باستىعى ساعات مەديەۆ.
قازٸرگٸ ۋاقىتتا ەر ادام ۋاقىتشا ۇستاۋ يزولياتورىنا قاماۋعا الىندى.
قر قك 188-بابى 4-بٶلٸگٸ (اسا ٸرٸ كٶلەمدە جاسالعان مال ۇرلىعى) بويىنشا سوتقا دەيٸنگٸ تەرگەۋ امالدارى جٷرٸپ جاتىر.
