Shyǵys Qazaqstan oblysynda 18 kolledj litsenziiasyn óz erkimen qaitaryp berdi, dep habarlaidy "Ult aqparat".
ShQO bilim salasynda sapany qamtamasyz etý departamentiń basshysy Zeinep Maqsutovanyń aitýynsha, jyl basynan beri jalpy bilim beretin mektepterge profilaktikalyq baqylaý, jospardan tys tekserýler jáne bilim berý qyzmetine litsenziia berý jumystary júrgizilgen.
«Búgingi tańda Shyǵys Qazaqstandaǵy 18 kolledj 41 mamandyq boiynsha litsenziiany óz erkimen qaitaryp berdi. 2020 jyldyń 10 aiynda departamentke litsenziia berý máseleleri boiynsha 114 ótinish kelip túsken. Onyń ishinde 62 ótinish qanaǵattandyrylyp, 46 ótinishke bas tartyldy. Qazirde 6 ótinish qaralý ústinde», – dedi Zeinep Mahsýtova.
Bilim týraly qujattarǵa apostil qoiý qyzmeti qańtar-qazan ailarynda 561 ótinish kelgen. 497 qujatqa apostil qoiyldy, onyń ishinde 394 – joǵary bilim, 94 – kásiptik-tehnikalyq bilim jáne 94-jalpy orta bilim týraly qujat.
2020 jyldyń 14 naýryzynan bastap oblystyń kolledjderi men joǵary oqý oryndarynyń stýdentteri úshin qashyqtan bilim berý tehnologiialary qoljetimdi bolýyna monitoring júrgizýdemiz. Monitoringpen 71 kolledj jáne 7 JOO qamtyldy. Keibir kolledjderde internettiń jyldamdyǵy tómen ekendigi anyqtaldy. Búgingi kúni bul másele sheshildi, - dedi departament basshysy.
Budan bólek, departament qyzmetkerleri UBT jáne oblystaǵy pedagogterdiń ulttyq biliktilik testileýin ótkizý kezinde baqylaý júrgizdi.
«Testileýdi ótkizý barysynda stýdentter men oqytýshylar tarapynan buzýshylyq faktileri tirkeldi. Uialy telefondardy paidalaný saldarynan 21 túlek testileýge jiberilmedi. Tyiym salynǵan zattardy alyp kirýge bailanysty 47 test nátijesiniń kúshi joiyldy. Pedagogtar tarapynan uialy telefondardy paidalanýdyń 26, shpargalkalardy paidalanýdyń 31 jaǵdaiy jáne test suraqtaryn alyp shyǵýdyń 4 faktisi tirkeldi. Nátijesinde test qorytyndylary joiylyp, 24 pedagog tártiptik jaýapkershilikke tartyldy, - dep atap ótti Zeinep Mahsýtova.
