Shyǵys Qazaqstan oblysynda koronavirýs pandemiiasy bastalǵaly beri 1 423 meditsina qyzmetkeri qaýipti dertke shaldyqqan.
Bul jaily ShQO óńirlik kommýnikatsiialar qyzmetinde onlain formatta ótken baspasóz máslihatynda oblystyq Densaýlyq saqtaý basqarmasynyń ókili Asqar Horoshash málimdedi.
«Pandemiia bastalǵaly Shyǵys Qazaqstanda barlyǵy 1423 meditsina qyzmetkeri qaýipti dert juqtyrdy. Onyń ishinde 8 adam qaitys bolǵan. Bul jaǵdailardyń 745-i óńirlik komissiiada qaralyp, sonyń sheshimi boiynsha 631 fakti bir jolǵy áleýmettik tólemdi júzege asyrý boiynsha QR DSM buiryǵynyń talaptaryna sáikes keletin bolyp shyqty», - dedi ol.
Asqar Horoshashtyń aitýynsha, birjolǵy áleýmettik tólemdi óńirlik komissiia maquldaǵan barlyq meditsina qyzmetkerleri, onyń ishinde kóz jumǵan 8 dárigerdiń otbasy aldy.
