Shyǵys Qazaqstan oblysynda 1 qarashadan bastap 13 sanitarlyq post qoiylady, dep habarlaidy "Ult aqparat".
ShQO Bas memlekettik sanitarlyq dárigeriniń 27 qazandaǵy №23 qaýlysyna ózgerister engizildi. Qujatta jazylǵandai, qala jáne aýdan ákimderine densaýlyq saqtaý basqarmalarynyń, memlekettik kirister departamentiniń, politsiia departamentiniń, taýarlar men qyzmetterdiń sapasy men qaýipsizdigin baqylaý basqarmalarynyń basshylary aimaq shekarasyndaǵy 13 sanitarlyq posttyń jumysyn qamtamasyz etýi kerek.
«Sanitarlyq posttar Almaty (1), Qaraǵandy (1), Pavlodar (2) oblystarynda, Qazaqstan Respýblikasynyń memlekettik shekarasy arqyly ótetin joldardaǵy «Aýyl», «Ýba» ótkizý pýnktterinde (Shemonaiha aýdanynda – 1, Borodýliha aýdanynda – 1) jáne Óskemen qalasynda (7) qoiylady. Posttardyń jumys rejimi men merzimi COVID-19 infektsiiasynyń taralýy boiynsha sanitarlyq-epidemiologiialyq ahýalǵa sáikes ózgertilýi múmkin», - delingen qaýlyda.
Dese de oblys turǵyndary Óskemennen basqa aýdan-qala aralyǵynda esh kedergisiz júre alady. Al elimizdiń basqa aimaqtarynda vahtalyq ádispen jumys isteitin óńir azamattary bes kún buryn jumys berýshiniń qarajaty esebinen COVID-19-ǵa synama tapsyrýy tiis.
Sonymen qatar, ǵimarat pen úidi jalǵa alyp, merekelik jáne otbasylyq is-sharalar ótkizýge tyiym salyndy.
