Foto: astanatv.kz
Ýaqyt beldeýiniń aýysýyna bailanysty Shyǵys Qazaqstanda jumys ýaqytyn ózgertý qaralyp jatyr, -dep habarlaidy ult.kz.Bul týraly oblys ákimi Ermek Kósherbaev Ortalyq kommýnikatsiialar qyzmeti alańynda ótken brifingte aitty.
"Ýaqytty ózgertý jergilikti biliktiń quziretine kirmeidi. Bul sheshim úkimette qabyldanǵan, muny ózgerte almaimyz. Turǵyndarda qiyndyqtar bolǵan shyǵar. Keibiri "balalardy keshke jaqyn mektepten alyp ketemiz" deidi. Qazirgi jaǵdaida burynǵy ýaqyt beldeýimen qarasaq tańerteń qarańǵyda balalardy mektepke aparyp, qarańǵyda alyp keter erdińiz. Meniń aityp otyrǵanym, ýaqyt beldeýine úirený kerek. Ekinshi jaǵynan, turǵyndardyń oi-pikirin tiisti organdarǵa jetkizdik", – degen Kósherbaev aimaq turǵyndarynyń jańa ýaqyt beldeýine beiimdelýin jeńildetý úshin jumys ýaqytyn ózgertý máselesi qaralyp jatqanyn aitty.
"Sonyń ishinde aýrýhana, dúkender, mektepterdiń, saǵat saiyn júretin qoǵamdyq kólikterdiń kestesin qaita qaraý arqyly jańa ýaqyt beldeýine úiretýdi qarastyryp jatyrmyz", – dedi.
Ermek Kósherbaevtyń sózinshe jumys ýaqytyn ózgertý máselesi áli de halyqpen talqylanady jáne bul másele boiynsha naqty sheshim bir aiyń ishinde qabyldanady.
