Shyǵys Qazaqstan oblysynyń joldarynda patrýldik politsiia avkólikteriniń maket-mýliajdary paida boldy, dep habarlady Sputnik agenttigi óńirlik politsiia departamentiniń baspasóz qyzmetine silteme jasap.
Mýliajdar ainytpai jasalǵan, alystan shyn kólik sekildi kórinedi. Júrgizýshiler bul patrýldik politsiia ekipajynyń turaqqa ornatyp qoiǵan maketi ekenin jaqyndaǵanda bir-aq túsinedi.
Qazirgi tańda osyndai tórt mýliaj qoiylǵan. Olar qala syrtyndaǵy eń qaýipti ýchaskelerde ornatylyp jatyr, munda júrgizýshiler jol qaýipsizdigi úshin jyldamdyqty baiaýlatýy qajet.
Statistika kórsetkendei, Shyǵys Qazaqstandaǵy jol-kólik oqiǵalarynyń úshten birine jyldamdyqty asyrý sebep bolady. 2019 jyldyń alty aiynda 394 jol apaty tirkelse, onyń 124-i belgilengen jyldamdyqty asyrýdan bolǵan.
