Foto: Kazinform.kz
Budan bylai Nurymbet Saqtaǵanov Shyǵys Qazaqstan oblysyn basqarady, dep habarlaidy Ult.kz.
"Memleket basshysynyń Jarlyǵymen Nurymbet Amanuly Saqtaǵanov Shyǵys Qazaqstan oblysynyń ákimi laýazymyna taǵaiyndaldy", — delingen habarlamada.
Nurymbet Saqtaǵanov 1970 jyly Túrkistan oblysynda dúniege kelgen.
Qorqyt Ata atyndaǵy Qyzylorda memlekettik ýniversitetin, Máskeý memlekettik ekonomika, statistika jáne informatika ýniversitetin, S. Amanjolov atyndaǵy Shyǵys Qazaqstan memlekettik ýniversitetin bitirgen.
Eńbek jolyn 1992 jyly Qyzylorda oblysynyń Syrdariia aýdanyndaǵy № 172 orta mektepte oqytýshy retinde bastaǵan.
Ár jyldary memlekettik qyzmet, sonyń ishinde keden organdarynda jaýapty basshylyq qyzmetterde bolǵan.
2007-2012 jyldary QR Ekonomika jáne biýdjettik josparlaý ministrligi Syrtqy investitsiia kózderin josparlaý bólimi basshysy, ministrdiń keńesshisi, Eńbek jáne áleýmettik qorǵaý ministrligi migratsiia komiteti tóraǵasynyń orynbasary, QR Prezidenti Ákimshiliginiń memlekettik inspektory bolyp qyzmet etti.
2012-2021 jyldary Shyǵys Qazaqstan oblysy ákiminiń orynbasary, birinshi orynbasary, Ulan aýdanynyń jáne Semei qalasynyń ákimi qyzmetterin atqarǵan.
2021 jyldyń aqpan aiynan 2022 jyldyń maýsym aiyna deiin Shyǵys Qazaqstan oblysy Jarma aýdanynyń ákimi laýazymynda eńbek etti.
2022 jyldyń 24 maýsymynan bastap osy ýaqytqa deiin Qyzylorda oblysy ákiminiń orynbasary boldy.
2023 jyldyń 8 qyrkúieginde ShQO ákiminiń birinshi orynbasary bolyp taǵaiyndaldy.
Eske salsaq, buǵan deiin ShQO-ny basqarǵan Ermek Kósherbaev nesimen este qalǵanyn zerdelep kórgen edik.
