Shyǵys Qazaqstan oblysy Ridder qalasyndaǵy órt faktisi boiynsha sotqa deiingi tergeý bastaldy. Bul týraly QR Ishki ister ministrligi jariialady, dep habarlaidy QazAqparat.
«10 mamyr kúni Shyǵys Qazaqstan oblysynyń Ridder qalasynda iri órt boldy. Ishki ister ministri Erlan Turǵymbaevtyń nusqaýymen ShQO tártip saqshylary táýlik boiy kezekshilik uiymdastyryp, halyqqa kómek kórsetti. Alǵashqy minýttan bastap politseiler qutqarýshylarǵa órtti sóndirý jáne órt aimaǵynan adamdardy evakýatsiialaýǵa járdemdesip jatyr. Ridder qalalyq politsiia bóliminiń barlyq jeke quramy qyzmet atqarýdyń kúsheitilgen nusqasyna aýystyryldy jáne tiisti qoǵamdyq tártipti qamtamasyz etý maqsatynda politsiia jasaqtarynyń tyǵyzdyǵy kúsheitildi», - dedi QR IIM resmi ókili Nurdildá Oraz ministrliktiń aptalyq brifingisinde.
Onyń aitýynsha, túni boiy shaǵynaýdanda patrýldik qyzmet ekipajdary qoiylyp, qorshaý uiymdastyrylǵan jáne múlik urlaý men tonaýdyń aldyn alý úshin bos turǵan úilerde kezekshilik jasalǵan.
Qutqarý jumystaryna 300-den astam politsiia qyzmetkeri men 40-qa jýyq arnaiy tehnika jumyldyrylǵan. Glýbokoe jáne Shemonaiha aýdandarynyń politsiia bólimderi, ShQO politsiia departamentiniń jedel den qoiý arnaiy bólimshesi qyzmetkerleri órt ornynda kómektesip jatyr.
«Sonymen birge, órt faktisi boiynsha QR Qylmystyq kodeksiniń 204-baby 2-bóligi boiynsha sotqa deiingi tergeý bastaldy. Qazirgi ýaqytta oqiǵanyń jai-japsary anyqtalyp jatyr», - dedi Nurdildá Oraz.
