Memleket basshysy Qasym-Jomart Toqaev Nur-Sultandaǵy LRT jobasynyń Úkimetke qosymsha júkteme bolatynyn málimdedi, dep habarlaidy Baq.kz agenttigi.
Ol mundai qymbat kólik óz aqysyn aqtai almaitynyn jetkizdi.
«Nur-Sultandaǵy LRT jobasy sapasyz josparlaý problemasyna kýá bolyp otyr. Halyq úshin yńǵaily, túsinikti, qolaily kólik túriniń ornyna qymbat turatyn kólik túri usynylǵan. Sáýletshi mamandardyń pikiri eskerilmegen deýge bolady. Ákimdiktiń derekterine súiensek, halyq aǵymy táýligine 146 myń adamǵa jetedi. Qazirgi ýaqytta osyǵan uqsas marshrýt boiynsha áýejaidan vokzalǵa deiin 2 myń adamdy qurap otyr. Sizder jolaýshylar aǵynyn 70 esege deiin qalai kótereiin dep otyrsyzdar, maǵan túsiniksiz. Óz shyǵynyn ótei almaityn joba úneme sýbsidiia alyp otyrady jáne Úkimetke júkteme bolyp otyrady degen qaýip bar. Aitpaqshy, Astana bankindegi qytailyq nesieniń bóligi 100 milliard teńgeniń joǵalǵanyn bilemiz. Olar joq, joǵaldy», - dedi prezident.
Ulttyq bank tóraǵasy Erbolat Dosaev bul máseledegi negizgi jumys aldaǵy 2 jylda atqarylada degen jaýap aitty.
«Problemalyq nesieler qory osy qarajatty qaitarýdyń múmkindikterin qarastyryp jatyr. Alǵashqy aldyn ala qorytyndylary bar, biraq negizgi jumysty aldaǵy eki jylda 2020-2021 jyldarda sheshýimiz kerek. Qalǵan depozittiń qarjysyn qaitarý yqtimaldyǵy – 30-40 % asady», - dedi Prezident.
«Net pesni pechalnee na svete, kak govoritsia», - dedi Prezident bank tóraǵasynyń jaýabynan keiin.
LRT-nyń qurylysy 2019 jyldyń 31 jeltoqsanyna deiin aiaqtalý josparlanǵan bolatyn. 2020 jyldyń jazynda paidalanýǵa berilý kerek edi. Jobanyń quny bir milliard 887 million dollar. Uzyndyǵy – 22,4 shaqyrym.
