Shvetsiiada nemere baqqan ata-ájelerge aqsha tólenedi

Foto: euronews

Shvetsiiada ata-ájeleri nemerelerin baqqany úshin memleketten aqshalai járdemaqy alýda. Tiisti zań biyl jazda kúshine endi, dep habarlaidy Euronews.  

Barlyq ákimshilik demarshtardy Shvetsiianyń Áleýmettik saqtandyrý agenttigi sheshýde. Bul – otbasylar úshin úlken kómek.

Shvetsiiada bala kútimine arnalǵan demalys týraly jańa erejege sai, ata-analarǵa 45 kúnge deiin aqyly demalysyn balanyń zańdy qamqorshysy emes adamǵa aýdarýǵa múmkindik beriledi. Jalǵyzbasty ata-analar bir balaǵa 480 kúndik aqyly demalystyń 90 kúnin aýdara alady. 

Shvetsiianyń áleýmettik saqtandyrý agenttigi ókiliniń aitýynsha, jańa zań ata-analardyń jumys pen jeke ómiri arasyndaǵy tepe-teńdikti jaqsartýǵa jáne genderlik teńdikti nyǵaitýǵa baǵyttalǵan. Zańdy usynǵan ministr Shvetsiia búkil Eýropaǵa úlgi bolady dep úmittenedi.

«Bul búkil Eýropa úshin jaqsy úlgi bola alady dep oilaimyz. Osylaisha jastardy balaly bolýǵa, sonymen birge eńbek naryǵynda qalyp, belsendi jumys júrgizýge yntalandyrýǵa bolady», - dedi eldiń Áleýmettik qamtamasyz etý ministri Anna Tene.

Áleýmettik saqtandyrý agenttiginiń agenttikke habarlaýynsha, tamyz aiynyń sońyna qarai 1500-ge jýyq shved azamaty jańa zań usynǵan múmkindikterdi paidalandy.