Egovpress Telegram arnasynyń beinejazbasynan kadr. Foto: Vesti.kz, © Turar Qazanǵapov
Astanadaǵy saýda ortalyǵynda balasymen soqqyǵa jyǵylǵan er adamnyń advokaty oqiǵaǵa qatysty óz nusqasyn aityp, boksshy Beibit Shúmenovtiń sózderine qatysty pikir bildirdi, - dep habarlaidy Tengrinews.kz.
Advokat Qanat Tileýjan qorǵaýyndaǵy jábirlenýshi men Beibit Shúmenov arasyndaǵy oqiǵa 18 maýsymda Astanadaǵy MEGA Silk Way saýda ortalyǵyndaǵy meiramhana kesheniniń aýmaǵynda bolǵanyn aitty.
"Men qorǵaityn er adam sol jerde otbasy jáne balalarymen birge bolǵan. Olar bos ýaqytyn sonda ótkizgen. Jábirlenýshi men shabýyl jasaǵan er adam arasynda janjal týyndaǵan. Ol birden ashýly nietpen jaqyndaǵan. Men ókildik etetin adamǵa onyń ne aitqanyn jáne onyń ne dep jaýap bergenin naqty aita almaimyn. Jábirlenýshi aldymen boksshynyń naqty ne aitqanyn estýge tyrysqan. Biraq kútpegen jerden ol ashýlanyp, sodan keiin birneshe soqqy jaýdyrtqan", - deidi jábirlenýshiniń advokaty.
Er adamdar arasynda dialog bolmaǵan. Advokattyń aitýynsha, jábirlenýshi ózin qorǵaý úshin ústelden as úi quralyn alǵan. Ol birinshi soqqyny ádeii kózdemei, ózin-ózi qorǵaý úshin ǵana jasaǵan.
"Sonymen qatar shabýyldaýshy meniń qorǵaýymdaǵy jigittiń qolyndaǵy quraldaryn julyp alǵany keiin belgili boldy. Alaida soǵan qaramastan ol zańsyz áreketterin jalǵastyryp, ony jerge qulatyp, ura bastaǵan", - dedi Qanat Tileýjan.
Advokat qorǵaýyndaǵy er adamnyń nege balany qolyna alǵanyn da túsindirdi. Onyń aitýynsha, tóbeles kezinde bala qatty jylap, es-tússiz kúige túsken. Er adam ony tynyshtandyrý úshin qolyna alǵan. Biraq ashýlanǵan er adam ózin uratynyn kútpegen. Advokat sportshynyń "bala arqyly ózin qorǵamaq boldy" degen sózin ábestik dep esepteidi.
"Osydan keiin ol meniń qorǵaýymdaǵy jigitti edenge qulatyp, ura tastaǵan. Bul - anyq buzaqylyq áreketter. Oqiǵa ornyna ýchaskelik inspektor keldi, biraq ol shabýyldaýshyǵa belsendi túrde kómektesip, janjaldy retteýge jáne ony kópshilikke shyǵarmaýǵa tyrysqan. Meditsinalyq tekserý taǵaiyndaldy, meniń qorǵaýymdaǵy jigit ekeýmiz aýrýhanaǵa bardyq, dáriger tekserý júrgizdi, biraq áli saraptamanyń nátijesin kórmedik. Jábirlenýshiniń aitýynsha, soqqy balasyna da tigen. Múmkin, shabýyldaýshy muny ádeii istemegen shyǵar biraq eki soqqyssy tigen. Bul balanyń psihikasyna áser etýi múmkin", - deidi advokat.
Qorǵaýshy ózi ókildik etken adamnyń shetel azamaty ekeni jáne Qazaqstanda zańsyz júrgeni týraly aqparatqa da túsinikteme berdi. Advokattyń aitýynsha, ol - shynymen de Qyrǵyzstan azamaty, osy eldiń týmasy, biraq turýǵa ruqsaty bar bolǵandyqtan, Qazaqstanda zańdy túrde turyp jatyr.
"Sondai-aq, shabýyldaýshynyń soqqysy tigen kishkentai bala aýtist degen sózder tarady. Mende ondai aqparat joq, bul sotaldy tergeý barysynda anyqtalady. Alaida shabýyldaýshy mundai aqparatty qaidan jáne ne úshin alǵany belgisiz. Ata-analar mundai aqparatty jariia etýge kelisim bermegen, bul meditsinalyq qupiia", - dedi Qanat Tileýjan.
Advokattyń aitýynsha, tergeý isi alǵa baspaǵandyqtan, jábirlenýshi ekeýi bul oqiǵany jariia etýge májbúr bolǵan.
"Bastapqyda shabýyl jasaýshynyń áreketine tiisti quqyqtyq baǵa berilmedi. Olar ákimshilik quqyq buzýshylyq retinde qaralyp, tergeý amaldary júrgizilmedi. Degenmen, "Buzaqylyq" baby boiynsha qylmystyq quqyq buzýshylyq bar ekeni anyq. Bul isti qylmystyq is retinde tirkelmedi. Bul video jariialanbai turyp-aq quqyq qorǵaý organdaryna ótinishpen júgindim, barlyq merzimder oryndaldy, biraq politseiler asyqpai, qylmystyq is qozǵamady. Nátijesinde, bul týraly jariia bolǵan kezde ǵana 11 shildede sotaldy tergeý amaldary júrgizildi. Meniń qorǵaýymdaǵy adamdy jábirlenýshi retinde anyqtaý úshin politsiiaǵa shaqyrdy", - dedi ol.
Advokattyń aitýynsha, sotaldy tergep-tekserý aiasynda mártebe berilgennen keiin onyń qorǵaýshysy fizikalyq jáne moraldyq shyǵyndy óteý týraly ótinish bere alady. Ol bul talaptardy qoldaýǵa jáne keltirilgen zalaldy óteýge daiyn.
