Jambyldyq politseiler Shý qalasynyń turǵyndarynan 30 keli esirtki zatyn tapty, - dep habarlaidy "Ult aqparat".
«Qarasora-2021» respýblikalyq jedel-aldyn alý is-sharasy aiasynda Jambyl oblysy PD Esirtki qylmysyna qarsy is-qimyl basqarmasynyń qyzmetkerleri Shý aýdanynyń qumdy aimaǵynda jedel-izdestirý is-sharalaryn júrgizý kezinde 27 jáne 61 jastaǵy jergilikti turǵyndardy ustady. Tintý barysynda olardan jalpy salmaǵy 30 kelige jýyq «marihýana» esirtki zaty tabylyp, tárkilendi. Alynǵan esirtki zatynyń salmaǵy 300 myń dozadan asady. Qara naryqta esirtkiniń mundai mólsheriniń quny-shamamen 3 million teńge bolady.
«Qazaqstan Respýblikasy Qylmystyq kodeksiniń 296-baby 4-bóligi (Asa iri mólsherde esirtki zattaryn zańsyz saqtaý) boiynsha sotqa deiingi tergeý amaldary bastaldy. Atalǵan qylmysty jasaǵany úshin 3 jyldan 7 jylǵa deiingi merzimge bas bostandyǵynan aiyrý túrindegi jaza qarastyrylǵan», - dedi Jambyl oblysynyń Politsiia departamenti Esirtki qylmysyna qarsy is-qimyl basqarmasynyń bastyǵy politsiia polkovnigi Asqar Jumabekov.
Ustalǵandar kinásin tolyq moiyndap, Shý qalasynyń ýaqytsha ustaý izoliatoryna qamaqqa alyndy.
