Jambyl oblysynda Shý qalasynyń turǵynynan tórt keli gashish tárkilendi, dep habarlaidy "Ult aqparat".
«Qarasora-2021» Respýblikalyq jedel aldyn alý is-sharasyn ótkizý barysynda Jambyl oblysy politsiia departamenti esirtki qylmysyna qarsy is-qimyl basqarmasynyń qyzmetkerleri Qainar-Qordai avtojolynda VAZ-2107 avtokóligin toqtatqan.
Kólikti tintý barysynda Tea esimdi qyzmettik ittiń kómegimen Shý qalasynyń 25 jastaǵy jolaýshy-turǵynynan tórt keli gashish tabyldy.
«Qazaqstan Respýblikasy Qylmystyq Kodeksiniń 297-baby 3-bóligine sáikes «Esirtki zattaryn ótkizý maqsatynda asa iri mólsherde zańsyz saqtaý» boiynsha sotqa deiingi tergeý bastaldy. Ustalǵan azamat kinásin moiyndady. Ol ýaqytsha ustaý izoliatoryna qamaldy», - dedi Jambyl oblystyq PD ÝPN bastyǵy Asqar Jumabekov.
