Mundai derekterdi Óńirlik kommýnikatsiialar qyzmetinde ótken brifingte QR Memlekettik qyzmet isteri jáne sybailas jemqorlyqqa qarsy is-qimyl agenttiginiń jurtshylyqpen bailanys jónindegi departamentiniń direktory Berdalin Arman Tilektesuly, Sybailas jemqorlyqqa qarsy strategiianyń oryndalýyn baqylaý boiynsha respýblikalyq arnaiy monitoringtik toptyń múshesi Dýambekov Musaǵali Sársenbaiuly, Qazaqstan Respýblikasy Memlekettik qyzmet isteri jáne sybailas jemqorlyqqa qarsy is-qimyl agenttiginiń Jambyl oblysy boiynsha departamentiniń basshysy Nálibaev Maqsut Ybraihanuly, Sybailas jemqorlyqqa qarsy is-qimyl Ulttyq Biýrosynyń Jambyl oblysy boiynsha Departament basshysynyń orynbasary Rahimov Arman Tastemiruly aitty.
QR Memlekettik qyzmet isteri jáne sybailas jemqorlyqqa qarsy is-qimyla agenttiginiń Jambyl oblysy boiynsha Departamentimen Shý aýdany ákimdiginiń aýyl sharýashylyǵy bóliminiń qyzmetine júrgizilgen sybailas jemqorlyq táýekelderine taldaý júrgizý kezinde múddeler qaqtyǵysy anyqtaldy.
Atap aitqanda, taldaý barysynda, Shý aýdany aýyl sharýashylyǵynyń bólim basshysy S.Seidahmetov, tek 2014-2016 jylǵy aralyqta "Bektibai", "Bektibai-1", "Samat", "Erkin"sharýa qojalyqtaryna janar-jaǵar mai shyǵyndaryna sýbsidiia kólemi 159 910 000teńgeni quraityn sýbsidiia bólip, Shý aýdany boiynsha osy baǵyttaǵy eń iri sýbsidiialar alýshylardyń biri ekendigi anyqtaldy.
Sondai-aq, sýbsidiia alǵan aýyl sharýashylyǵy taýaryn óndirýshilerdiń biri bolyp tabylatyn "Bektibai", "Bektibai-1", "Samat", "Erkin" sharýa qojalyqtarynyń basshylary, óz kezeginde S.Seidahmetovtyń jaqyn týystary - aǵasy, kelini, áieli jáne balasy ekendigi belgili boldy.
Óz kezeginde bólim basshysy, júieli túrde memlekettik qyzmetshige qoiylǵan shekteýlerdi buza otyryp, joǵaryda kórsetilgen sharýa qojalyqtarynyń sýbsidiia alýǵa usynylǵan ótinimderin qarap, vedomstvoaralyq komissiia tóraǵasynyń orynbasary retinde jiyntyq aktilerge qol qoiyp kelgen.
Taldaý nátijesindegi usynystar negizinde bólim basshysy qyzmetinen bosatylyp, qylmystyq qudalaý organdarymen S.Seidahmetovke qatysty qylmystyq is qozǵaldy.
