Jambyldyq politseiler býkmekerlik keńsege qaraqshylyq shabýyl jasaǵan kúdiktilerdi ustady, - dep habarlaidy "Ult aqparat".
Jambyl oblysy Politsiia departamentiniń qyzmetkerleri Shý aýdanyndaǵy býkmekerlik keńselerdiń birine qaraqshylyq shabýyl jasaǵan aýdannyń eki turǵynyn qolǵa túsirdi. Bul týraly departamenttiń baspasóz qyzmeti habarlady.
«Jambyl oblysy Shý aýdanynyń PB kezekshi bólimine saǵat tańǵy 04:30-da belgisiz tulǵalardyń býkmekerlik keńsege kirip, kassirdi qorqyt yp, aqsha alyp ketkeni týraly habarlama kelip tústi.
Tergeý barysynda jas jigitterdiń plastikalyq terezeni syǵymdaý arqyly býkmekerlik keńsege kirip, kassirge belgisiz qarý qoldaný arqyly 773 myń teńge kólemindegi aqshany iemdengeni anyqtaldy. Osydan keiin olar belgisiz baǵytqa qashyp ketken»,-delingen habarlamada.
Izdestirý is-sharalarynyń nátijesinde Jambyl oblysynyń politseileri kúdiktilerdi anyqtap, ustaǵan. Olar buryn sotty bolǵan Jambyl oblysynyń 23 jáne 24 jastaǵy turǵyndary bolyp shyqty. Jaýap alý barysynda ustalǵandar óz kinálaryn moiyndaǵan.
Politsiia departamentiniń habarlaýynsha, qazirgi tańda atalǵan derekke qatysty QR QK 192-babynyń 3-bóligimen (Qaraqshylyq) sotqa deiingi tergeý bastalǵan. Kúdiktiler ýaqytsha ustaý izoliatoryna qamaýǵa alynypty.
Tergeý amaldary júrgizilýde, ustalǵandardyń basqa da osyǵan uqsas qylmystarǵa qatystylyǵy tekserilýde.
