Qasym-Jomart Toqaevtyń Jarlyǵymen Alik Shpekbaev Qazaqstan Respýblikasynyń Sybailas jemqorlyqqa qarsy is-qimyl agenttiginiń tóraǵasy qyzmetine taǵaiyndaldy, dep habarlaidy Aqorda.
"Alik Jatqambaiuly Shpekbaev Qazaqstan Respýblikasynyń Sybailas jemqorlyqqa qarsy is-qimyl agenttiginiń (Sybailas jemqorlyqqa qarsy qyzmet) tóraǵasy bolyp taǵaiyndalsyn", - dep jazylǵan Prezidenttiń Jarlyǵynda.
Aita ketsek, Memleket basshysynyń Jarlyǵymen QR Memlekettik qyzmet isteri jáne sybailas jemqorlyqqa qarsy is-qimyl agenttigi eki vedomstvoǵa bólingen edi: memlekettik qyzmet isteri agenttigi jáne sybailas jemqorlyqqa qarsy is-qimyl agenttigi.
Alik Shpekbaev 1957 jyly 4 shildede Almaty oblysy, Qaskeleń aýdany, Abai aýylynda dúniege kelgen. 1987 jyly KSRO IIM Qaraǵandy joǵary mektebin, 1993 jyly RF IIM Akademiiasyn bitirgen. Zań ǵylymdarynyń kandidaty.
Shpekbaev óziniń eńbek jolyn Almaty oblysy boiynsha Kamenka aýylynda slesar bolyp bastaǵan. Qaskeleń aýdandyq IIB Kamenka aýyldyq militsiia bóliminiń bastyǵy, Almaty oblysy boiynsha IIB bastyǵy qyzmetterin atqarǵan. 2003-2008 jyldar aralyǵynda Qazaqstan Respýblikasynyń ishki ister vitse-ministri boldy.
2014-2015 jyldary Memlekettik qyzmet isteri jáne sybailas jemqorlyqqa qarsy is-qimyl agenttigi tóraǵasynyń orynbasary qyzmetin atqardy. 2017 jyldan beri agenttiktiń tóraǵasy boldy.
Úilengen, eki uly men qyzy bar.
