QR Sybailas jemqorlyqqa qarsy is-qimyl agenttiginiń tóraǵasy Alik Shpekbaev sheneýnikterdiń kóshpeli tekserýler men issapar barysynda óreskel zańbuzýshylyqtarǵa jol beretinin atady, dep habarlaidy "Ult aqparat".
Qymbat qonaq úi, astatók dastarhan, ysyrapqa toly ańǵa shyǵý. Agenttik tóraǵasy óziniń facebook-taǵy paraqshasynda elimizdiń barlyq óńirinde joǵarydan kelgen basshyny osylai kútip alý ádetke ainalyp bara jatqanyn synǵa aldy.
«Ózimniń jańa saladaǵy alǵashqy postymda memlekettik apparattaǵy keleńsiz qubylystardyń biri - el ishindegi issaparlar barysyndaǵy qyzmetshilerdiń teris qylyqtary jáne otyrys, alym-salyq, dastarhan jaiý jáne tartý jasaý qosa júretin tamyr jaiǵan, tómen qurylymdardy jappai tekserýlerge nazar aýdartqym keledi. Bul problemanyń ótkirligi, ásirese oblystyq, aýdandyq jáne aýyldyq deńgeidegi memlekettik qyzmetshilerdiń kóptegen shaǵymdarymen rastalady», - dep jazdy Aliek Shpekbaev.
Agenttik basshysy mundai bassyzdyqtardy azaitý úshin tekserýlerdi qashyqtyqtan baqylaýmen aýystyrýǵa bolatynyn aitady.
«Biz standarttaryna boi túzeitin EYDU elderinde mundai másele joq, eshkim eshkimdi qabyldamaidy, al tekserýler qashyqtyqtan baqylaý esebinen júzege asyrylady. Árbir issapar úshin tekserýshilerge logistika, turý jáne tamaqtaný shyǵyndaryn jabatyn jetkilikti qarajat bólinedi. Alaida, tekserýshiler óńirlerge jol júrgende, bólingen qarajattyń tiynyn da jumsamaýǵa aila tabady. Baqylaýshylardyń tábetin bile tura, jergilikti basshylar basshylyqty «tiisti deńgeide» qarsy alý úshin biznesmenderge kómek surap júginedi. Mundai kómek eshqashan tegin bolmaidy jáne ári qarai sheneýnik tarapynan erekshe qamqorlyqqa ainalady. Munyń bári qalai aiaqtalatynyn eske salýdyń qajeti joq dep oilaimyn», - deidi Alik Shpekbaev.
Jemqorlyqq bastaityn mundai áreketterdi adamdardyń ulttyq dástúrge telýi ádiletsiz ekenin aitady agenttik tóraǵasy.
«Bul rette osyndai minez-qulyqty ulttyq dástúr men shenge bas urýshylyq, basshylyqqa kórsetilgen qurmet tanytý arqyly aqtaýǵa tyrysatyn adamdar bar ekeni tańǵaldyrady. Meniń ustanymym, biregei-kásibi jáne innovatsiialyq memlekettik apparat úshin bul múldem qolaisyz. Bul tájiribe memlekettik qyzmettiń negiz qalaýshy qaǵidalarynyń bedelin túsiredi jáne qunsyzdandyrady, sondai-aq sybailas jemqorlyq qarqynyn jyldamdatady.
Osyǵan bailanysty óńirlik issaparlarǵa, túrli konferentsiialar men seminarlarǵa shyǵatyn barlyq memlekettik qyzmetshilerge, quqyq qorǵaý jáne sot organdarynyń qyzmetkerlerine, memlekettik kásiporyndar men ulttyq kompaniialardyń basshylaryna aitarym: joǵaryda aitylǵan barlyq tájiribe jumystan bosatýdan bas bostandyǵynan aiyrýdyń naqty merzimine deiin qatań sanktsiialar kózdelgen óreskel buzýshylyq bolyp tabylady. Sol siiaqty qabyldaýshy tarapqa da qatysty», - dep jazdy ol.
Osy máseleni júieli baqylaýǵa alǵanyn eskertken Alik Shpekbaev Úkimetke kóshpeli tekserýlerdi qashyqtyqtan monitoringteý arqyly ońtailandyrý usynynlǵanyn aitady.
«Bul jumysty sapaly júzege asyrýda azamattyq qoǵam institýttary mańyzdy ról atqarady. Barlyq qoǵam belsendileri men nemquraily qaramaityn azamattardy osyndai faktilerge muqiiat nazar aýdara otyryp, bizdi kez-kelgen yńǵaily tásilmen: meniń poshtama jazbasha túrde júginý alik.shpekbaev@gmail.com, áleýmettik jelilerde habarlaýmen nemese Agenttiktiń 1424 koll-ortalyǵyna qońyraý shalyp, habardar etýge shaqyramyn», - dedi agenttik basshysy.
Eske sala keteiik, jaqynda ǵana Alik Shpekbaev Sybailas jemqorlyqqa qarsy is-qimyl agenttiginiń tóraǵasy bolyp taǵaiyndaldy.
