Qazaq kúresi erejelerin belgili bir júiege alyp kelýimiz kerek. Bul týraly elordada ótken Qazaq kuresi assosatsiiasynyń Kongresinde aityldy, dep habarlaidy "Ult aqparat".
«Qazaq kúresi qazir elimizde ǵana emes, dúnie júzi boiynsha keń kólemde tanymal bola bastady. Búgingi tańda bul salada sheshimin tappaǵan máseleler bar ekenin de aita ketý kerek. Dúniejúzilik qazaq kúresiniń birinshi máselesi - qarjylandyrý. Qaiyrymdylyqtyń arqasynda kóptegen sharalar ótip jatyr, biraq biýdjetten qarjylandyrylýǵa tiisti. Eger qazaq kúresiniń deńgeiin halyqaralyq dárejedegi deńgeige kótergimiz kelse - biýdjetten qarjy bólý kerek», - deidi Dúniejúzilik qazaq kúresi federatsiiasynyń prezidenti Alik Shpekbaev.
Ol Halyqaralyq qazaq kúresi federatsiiasy, Dúniejúzilik qazaq kúresi federatsiiasy jáne Respýblikalyq qazaq kúresi federatsiialarynda erejeler ártúrli ekenin aitty.
