Foto: Polisia.kz
Soltústik Qazaqstan oblysynda shoshqa ósirý fermasyndaǵy tórt jumysshynyń ólimi boiynsha qylmystyq is qozǵaldy, dep habarlaidy "Ult aqparat" oblystyq politsiianyń baspasóz qyzmetine silteme jasap.
1 tamyz saǵat 23:25-te Soltústik Qazaqstan oblysy Taiynsha aýdanynyń politsiia bólimine Novoivanovka aýylynda ornalasqan shoshqa ósirý keshenindegi jumys ornynan aýysym aiaqtalǵan soń tórt jumysshy shyqpaǵany týraly habarlama kelip túsken.
"Izdestirý sharalary barysynda olardyń deneleri osy keshendegi káriz qudyǵynyń túbinen tabyldy. Aldyn ala anyqtalǵandai, 1966, 1991, 1995 jáne 2000 jyldary týǵan jumysshylar káriz qudyǵyn tazalaý kezinde iisten ýlanǵan. Olardyń deneleri sot-meditsinalyq saraptamaǵa jiberildi.
Atalǵan fakti Qylmystyq kodekstiń 156-babynyń 4-bóligi “Eńbekti qorǵaý qaǵidalaryn buzý” boiynsha sotqa deiingi tergep-tekserýlerdiń biryńǵai tizilimine tirkeldi. Saraptamalar taǵaiyndaldy", - delingen politsiia habarlamasynda.
Istiń barlyq mán-jaiyn zerdeleýge baǵyttalǵan tergeý áreketteri júrgizilip jatyr. Onyń nátijeleri boiynsha túpkilikti protsestik sheshim qabyldanady.
Oqiǵa ornynda Soltústik Qazaqstan oblysy ákimi Aidarbek Saparov, ákimniń birinshi orynbasary Marat Tasmaǵanbetov, Taiynsha aýdanynyń prokýrory Ǵalymjan Áýbákirov pen Politsiia departamentiniń bastyǵy Aidyn Qabduldinov jaǵdaidy baqylaýda.
