فوتو: Polisia.kz
سولتٷستٸك قازاقستان وبلىسىندا شوشقا ٶسٸرۋ فەرماسىنداعى تٶرت جۇمىسشىنىڭ ٶلٸمٸ بويىنشا قىلمىستىق ٸس قوزعالدى, دەپ حابارلايدى "ۇلت اقپارات" وبلىستىق پوليتسييانىڭ باسپاسٶز قىزمەتٸنە سٸلتەمە جاساپ.
1 تامىز ساعات 23:25-تە سولتٷستٸك قازاقستان وبلىسى تايىنشا اۋدانىنىڭ پوليتسييا بٶلٸمٸنە نوۆويۆانوۆكا اۋىلىندا ورنالاسقان شوشقا ٶسٸرۋ كەشەنٸندەگٸ جۇمىس ورنىنان اۋىسىم اياقتالعان سوڭ تٶرت جۇمىسشى شىقپاعانى تۋرالى حابارلاما كەلٸپ تٷسكەن.
"ٸزدەستٸرۋ شارالارى بارىسىندا ولاردىڭ دەنەلەرٸ وسى كەشەندەگٸ كەرٸز قۇدىعىنىڭ تٷبٸنەن تابىلدى. الدىن الا انىقتالعانداي, 1966, 1991, 1995 جەنە 2000 جىلدارى تۋعان جۇمىسشىلار كەرٸز قۇدىعىن تازالاۋ كەزٸندە يٸستەن ۋلانعان. ولاردىڭ دەنەلەرٸ سوت-مەديتسينالىق ساراپتاماعا جٸبەرٸلدٸ.
اتالعان فاكتٸ قىلمىستىق كودەكستٸڭ 156-بابىنىڭ 4-بٶلٸگٸ “ەڭبەكتi قورعاۋ قاعيدالارىن بۇزۋ” بويىنشا سوتقا دەيٸنگٸ تەرگەپ-تەكسەرۋلەردٸڭ بٸرىڭعاي تٸزٸلٸمٸنە تٸركەلدٸ. ساراپتامالار تاعايىندالدى", - دەلٸنگەن پوليتسييا حابارلاماسىندا.
ٸستٸڭ بارلىق مەن-جايىن زەردەلەۋگە باعىتتالعان تەرگەۋ ەرەكەتتەرٸ جٷرگٸزٸلٸپ جاتىر. ونىڭ نەتيجەلەرٸ بويىنشا تٷپكٸلٸكتٸ پروتسەستٸك شەشٸم قابىلدانادى.
وقيعا ورنىندا سولتٷستٸك قازاقستان وبلىسى ەكٸمٸ ايداربەك ساپاروۆ, ەكٸمنٸڭ بٸرٸنشٸ ورىنباسارى مارات تاسماعانبەتوۆ, تايىنشا اۋدانىنىڭ پروكۋرورى عالىمجان ەۋبەكٸروۆ پەن پوليتسييا دەپارتامەنتٸنٸڭ باستىعى ايدىن قابدۇلدينوۆ جاعدايدى باقىلاۋدا.
