Aqmola oblysy Shortandy kenti Lineinaia kóshesindegi baraq úilerdiń birinde bolǵan gaz ballony jarylysynan zardap shegip, aýrýhanada kóz jumǵan 12 jastaǵy bozbala mýaitaidan Qazaqstan Respýblikasynyń chempiony bolǵan. Bul týraly oblystyq Dene shynyqtyrý jáne sport basqarmasynyń baspasóz qyzmeti málim etti, dep habarlaidy "Ult aqparat".
«Mýaĭtaĭdan balalar arasynda Qazaqstan Respýblikasynyń chempiony 12 jastaǵy Jarqynbek Orazalynyń mezgilsiz qaĭtys bolýyna baĭlanysty týǵan-týystaryna qaĭǵyryp kóńil aĭtamyz», - delingen vedomstvonyń áleýmettik jelidegi paraqshasynda.
Aita keteiik, 16 qarasha kúni Aqmola oblysynyń Shortandy kentinde gaz ballony jarylyp, 3 adam kóz jumdy, taǵy 10 adam aýrýhanaǵa túsken bolatyn. Oqys oqiǵa túngi saǵat 22:00 shamasynda Shortandy kentinde Lineinaia kóshesindegi úsh páterli barak úide boldy. Jarylystan keiin 3 páter órtenip, onyń bir bóligi qulady.
