"Bolat Nazarbaev eshqandai da aýrý emes, sap-saý". Bul pikirdi belgili qoǵam qairatkeri, kásipker Arman Shoraev Adyrna.kz portalynyń tilshisine bergen suhbatynda aitty.
"Bolat Nazarbaev eshqandai aýrýmen, eshqandai qaterli isikpen aýyryp jatqan joq. Bunyń bári dalbasa! Jalǵan spektakl! Postanovka! Bizdiń halqymyz keshirimdi bolǵandyqtan, olar ózderiniń aram piǵyldaryn iske asyryp, "bizdi aiasyn" dep osylai jasap otyr. Bolat ta, onyń balalary da myńdaǵan qazaqtardyń kóz jasy men obalyna qalǵandaryn biledi. Olar osyndai amal-ailamen ózderin jaýapkershilikten aman alyp qalǵysy keledi. Bolat Nazarbaev osydan 7 ai buryn Qandy Qańtar kezinde elden qashyp, óz aiaǵymen Qyrǵyzstannyń shekarasyna ótken. Iá dál sol baiaǵy qarny shartiǵan, 1 kg salmaǵyn da túsirmegen Bolat Nazarbaev. Men de dál solai múgedekterdiń arbasyna otyryp, qolyma planshet alyp, ótirik sóilei almaityndai birnárseni jazyp otyra alam. Sondyqtan Bolat Nazarbaev eshqandai da aýrý emes, sap-saý!", - deidi Shoraev.
Aita keteiik, budan buryn otandyq BAQ-tyń birinde Bolat Nazarbaevtyń aýyr dertke shaldyqqany, ózdiginen júrip-turý, tipti sóileý múmkindiginen aiyrylǵany kórsetilgen video jariialandy.
