QR Úkimetiniń qaýlysymen Sholpan Tańatqyzy Karinova QR bilim jáne ǵylym vitse-ministri laýazymyna taǵaiyndaldy. Bul týraly QR Premer-Ministriniń baspasóz qyzmeti habarlaidy.
Sholpan Karinova 1972 jyly dúniege kelgen.
1994 jyly Sh. Ýálihanov atyndaǵy Kókshetaý pedagogikalyq institýtyn «qazaq mektebindegi orys tili men ádebieti pániniń muǵalimi» mamandyǵy boiynsha, 2016 jyly — «pedagogikalyq bilim» baǵyty boiynsha Omby memlekettik pedagogikalyq ýniversitetinde magistratýrany támamdaǵan.
Eńbek jolyn 1994 jyly aýyl mektebiniń muǵalimi bolyp bastaǵan, kolledj oqytýshysy, mektep direktory qyzmetterin atqarǵan.
2005–2008 jyldary — Soltústik Qazaqstan oblysy Taiynsha aýdanynyń bilim bóliminiń basshysy.
2009–2012 jyldary — Soltústik Qazaqstan oblysynyń Bilim basqarmasy basshysynyń orynbasary.
2012 jylǵy mamyrda Petropavl qalasy ákiminiń áleýmettik máseleler jónindegi orynbasary bolyp taǵaiyndalǵan, 2013 jylǵy shilde men 2017 jyl aralyǵynda — Soltústik Qazaqstan oblysynyń Bilim basqarmasynyń basshysy.
2017–2018 jyldary — QR Bilim jáne ǵylym ministrliginiń Mektepke deiingi jáne orta bilim departamentiniń direktory bolyp qyzmet atqarǵan.
2018 jylǵy qazannan bastap qazirgi tańǵa deiin «Nazarbaev ziiatkerlik mektepteri» DBBU Pedagogikalyq sheberlik ortalyǵy direktorynyń orynbasary qyzmetin atqarǵan.
