Aktrisa Sholpan Elegezekovanyń anasy Almatydaǵy úsh adamnyń ólimine sebep bolǵan jantúrshigerlik apatqa qatysty aiyptalǵan Ilias Qarǵa eń aýyr jaza taǵaiyndalýy tiis dep esepteidi, dep habarlaidy NUR.KZ.
"Men balamdy janshyp óltirgen adamdy eshqashan keshirmeimin. Óitkeni ol keshirimge laiyq emes. Ol bir emes, úsh adamdy óltirdi.
Men 40 kún boiy jylaýmen kelemin. Qazir de kóz jasym toqtar emes.
Maǵan onyń ata-anasymen kórisýge uldarym qatań tyiym saldy. Olar meniń júregim oǵan shydamaidy deidi. Men ony sotta alǵash ret kórip qatty tańǵalyp otyrmyn.
Eger siz kórgen bolsańyz, men qyzymnyń fotosýretterimen keldim. Men muny ádeii istedim.
Óitkeni qyzymdy maqtan tutamyn. Jáne men sotta basymdy tik kóterip otyrdym", - deidi Gúljahan Zamanbekova.
Qaiǵydan qan jutqan ananyń aitýynsha, aiyptalýshy jigittiń týystary kózderin tómen salyp otyrypty.
"Óitkeni olar adam óltirýshi qylmyskerdi tərbielegen. Biz olardan qyryq kún ótpei kelmeýin suradyq, biraq búgin mejelegen ýaqyttan eki kún ótti, eshkim kelmedi.
Týystary meniń uldaryma habarlasyp, kezdesý týraly aitqan.
Meniń balalarym: «Siz kezdesýde ne týraly sóileskińiz keledi?» - dep suraǵanda, olar aiyptalyp jatqan jigitti maqtai bastapty. Ol azdai, qanshalyqty tárbieli ekenin jáne taǵy basqalaryn aitqan.
Uldarym olarmen kezdeskende mundai nárselerdi tyńdaǵysy kelmeitinin aitty.
Eger ol sonshalyqty jaqsy bolsa, ol muny istemeitin edi, týystary tipti keshirim suramady da", - dedi áiel.
Gúljahan Zamanbekova aiyptalýshy Ilias Kardyń týystary aktrisanyń qabirine kelgenin aitty.
"Olardyń qyzymnyń qabirine kelgenin estidim, biraq, qýanyshqa orai, biz kórgen joqpyz.
Ózderińiz bilesizder, jerleý rásimine shamamen 400-500 adam kelgen, olar kúdikti jigittiń týystaryn kórse, jep qoiatyn edi, sondyqtan biz eshteńe aitpadyq.
Oǵan eń aýyr jaza taǵaiyndaý kerek. Taǵy da qaitalaimyn, bir emes, úsh adamdy óltirdi", - dep aiaqtady sózin ol.
