Ómirzaq Shókeev Jetisaidaǵy órtengen «Kúlparshyn» bazaryna kelip jaǵdaimen tanysty. Bazar iesimen kezdesip, ákimdik tarapynan qoldaý bolatynyn aitty, dep habarlaidy "Ult aqparat" Túrkistan oblysy óńirlik kommýnikatsiia qyzmetine silteme jasap.
«Eshkim kómeksiz qalmaidy. Bazar ákimdigi kásipkerlermen kelissóz júrgizip, janǵan taýar shyǵynyn zań aiasynda óteý kerek. Birinshi másele, bazardy qalpyna keltirip, tezdetip iske qosý qajet. Ol úshin jaqyn mańdaǵy aýdandardan brigadalar aldyramyz. Ár sektorǵa jóndeletin bazar qatary bekitiledi. Ár pavilondy 6-7 topqa bólip, kásipkerler máselesin ońtaily sheshýdi qadaǵalaimyz», - dedi óńir basshysy.
Qazirgi tańda zardap shekken kásipkerlerdi basqa saýda oryndaryna ýaqytsha ornalastyrý boiynsha «Qaraqai» saýda bazaryna jáne «Kúlparshyn» bazarynyń órt shalmaǵan oryndaryna jaiǵastyrý jumystary júrgizilýde.
