COVID-19 infektsiiasymen kúres kúsheitildi. Qaýipti dertti anyqtap, onymen kúresýge dárigerler de daiyn. Birneshe ret daiyndyq kýrstarynan ótken Túrkistan oblysynyń meditsina qyzmetkerlerimen oblys ákimi Ómirzaq Shókeev kezdesti. Sairam aýdandyq ortalyq aýrýhananyń qyzmetkerleri aimaq basshysyna búkil boljamdy jumystaryn tanystyrdy, dep habarlaidy "Ult aqparat".
Oblys basshysy jaqyn kúnderi paidalanýǵa beriletin jańa emhanany aralap, búgingi kúngi diagnostika qory men oqshaýlaý, rezervti tósek-oryndardy tekserdi. Emdeý mekemesi jospar boiynsha kúnine 500 kelýshige eseptelgen.
Álemdi dúrbeleńge salǵan pandemiialyq indet óńirde beleń alǵan jaǵdaida jańa ǵimarat 100 tósek oryndyq observatsiialyq gospital retinde qyzmet kórsetedi. Meditsinalyq mekeme tiisti dári-dármektermen tolyq qamtamasyz etilip, jasaqtalǵan 4 brigada mamandary saqadai sai.
Aýdandyq aýrýhananyń dárigerleri Aqsýkent aýylynda ornalasqan «Mankent» temirjol stansasynda da kúndiz-túni qyzmet arqarýda. Olar arnaiy qurylǵy arqyly jolaýshylardyń dene qyzýyn ólshep, dárigerlik tekserý júrgizedi.
