Astanada Instagram jáne WhatsApp arqyly súrlengen jylqy etin arzan baǵamen satatynyn aityp, 31 adamdy aldaǵan kásipker sottaldy, dep habarlaidy ult.kz.
Ol satyp alýshylardan aldyn ala tólem alyp, taýardy jetkizbegen. Senimge kirý úshin burynǵy tapsyrystar men oń pikirlerdi paidalanǵan. Túsken aqshany jeke qajetine jumsaǵan.
Jalpy keltirilgen shyǵyn 1,7 mln teńgeden asty. Zalal tolyq ótelgenin eskergen sot kásipkerge 2 jyl 8 aiǵa bas bostandyǵyn shekteý jazasyn taǵaiyndady.
Úkim zańdy kúshine endi. Prokýratýra áleýmettik jelidegi tym arzan usynystarǵa saq bolýǵa shaqyrdy.
