Túrkistan oblysynyń ákimi Ómirzaq Shókeev Túrkistan fýtbol stadionynyń nelikten qymbatqa saynǵanyn túsindirdi, dep habarlaidy "Ult aqparat".
«Samuryq-Qazyna» qory birneshe nysan salyp, syiǵa artty. Sonyń biri - 7 myń orynǵa arnalǵan stadion. Odan keiin Kongress-Holl, Oqýshylar saraiyn, Qoja Ahmet Iasaýi murajaiyn, Amfiteatrdy syiǵa tartty. Sapalary óte joǵary, qazirgi zamannyń barlyq talaptaryna sai nysandar», - dedi Ómirzaq Shókeev Ortalyq kommýnikatsiialar qyzmeti alańynda ótken baspasóz máslihatynda.
Osy rette oblys basshysy BAQ ókilderiniń Túrkistandaǵy fýtbol stadionyna 31 mln dollar jumsalǵanyna jáne mundai qarajatqa Eýropada 20-25 myń adamdyq stadion salynatyndyǵyna qatysty saýalyna jaýap berdi.
«Eýropadaǵy jáne bizdegi stadiondardy salystyrýǵa kelmeidi. Eýropanyń fýtbol stadiondarynda tek alań men tribýna ǵana bolady. Bizdegi kópbeiindi stadion sanalady. Alańy, jeńil atletikamen ainalysatyn joly, tribýna astynda gimnastika, aýyr atletika, ioga syndy sportpen ainalysýǵa arnalǵan zaldary bar. Mamandar ázirshe bul stadionǵa 7 myń oryn jetedi dep otyr. Oryn jetpese qaqpa artyna jáne jalǵastyryp taǵy oryndyq qoiýǵa bolady», - dedi Ómirzaq Shókeev.
