Maqtaaraldaǵy aǵyn sýdy aýyzdyqtaý úshin kúndiz-túni aýdanda júrgen Ómirzaq Shókeev Tótenshe jaǵdai jónindegi kezekti shtab otyrysyn ótkizdi. Óńir basshysy halyqqa jan-jaqty kómek berip, turǵyndarǵa úlken qoldaý kórsetý kerektigin atap ótti, dep habarlaidy "Ult aqparat" Túrkistan oblysy ákiminiń baspasóz qyzmetine silteme jasap.
Ol halyqqa kórsetiletin kómektiń úlken aýqymda bolatynyn aityp, tiisti sala basshylaryna birqatar tapsyrma berdi. Atap aitqanda, eń aldymen evakýatsiialyq pýnktterge ornalasqan halyqqa áleýmettik kómek kórsetý jáne ótemaqy tóleý úshin olardyń mal sany, jyljymaityn múlik, jeke bas qujattarynyń málimetterin jinaqtaýdy tapsyrdy.
- Ekinshiden, apattan zardap shekken turǵyndardy azyq-túlik, qajetti zattarmen qamtamasyz etýge kásipkerler men qoǵamdyq qorlardy tartýdy usyndy.
- Úshinshiden, turǵyn úilerge keltirilgen zalaldyń mólsherin esepteýdi júktedi.
- Tórtinshiden, kásipkerlik nysandarǵa kelgen zalal mólsherin anyqtaýdy mindettedi.
- Besinshiden, zaqym kelgen avtomobil joldary men turǵyn úi-kommýnaldyq infraqurylym obektilerine keltirilgen ziiannyń mólsherin esepteýdi qolǵa alý qajettigine toqtaldy.
«Altynshydan, aýyl sharýashylyǵy alqaptary men úi janýarlaryna keltirilgen ziiannyń mólsherin eseptep, jetinshi tapsyrma retinde qaýip tónip turǵan eldimekenderdi tasqyn sýdan qorǵaý maqsatynda bóget jasaý jumystaryn júrgizý qajet», dedi Ómirzaq Estaiuly.
