Shyǵys Qazaqstan oblysynyń turǵynyna 2 mln teńgesin qaitarmai, eki jyl Reseide jasyrynyp júrgen er adam tabyldy, dep habarlaidy "Ult aqparat".
ShQO Politsiia departamenti baspasóz qyzmetiniń málimetine súiensek, kóshi-qon qyzmetiniń negizgi baǵyttarynyń biri – atqarýshylyq is júrgizý boiynsha boryshkerlerdi izdestirý.
«Jyl basynan beri qyzmetkerler sot oryndaýshylarynan jasyrynyp, qaryzdaryn tólemegen 100-den astam azamatty anyqtady. Boryshkerler tólem jasamaý úshin tek Qazaqstanda ǵana emes, el aýmaǵynan tys jerlerde de jasyrynyp júrgen. Máselen, jýyqta Resei Federatsiiasyna qashyp ketken 45 jastaǵy er adamdy tapty. Ol óńir turǵynynan alǵan 2 mln teńgege jýyq qaryzyn qaitarmaý úshin kórshi memlekettiń aýmaǵynda eki jyldan astam ýaqyt boiy jasyrynyp júrgen», - dedi ShQO PD kóshi-qon qyzmeti basqarmasynyń bastyǵy Erbol Bekpaev.
Sot oryndaýshysynan atqarýshylyq is kelip túskennen keiin kóshi-qon qyzmetiniń mamandary izdestirý sharalaryn júrgizip, boryshkerdi anyqtaǵan. Qaryzdy óndirip alý úshin sot oryndaýshysyna tiisti aqparat joldandy.
