ShQO turǵyny Aleksandr Kochernin júz sharshyly shahmattyń klassikalyq túrin oilap tapty. Óziniń jańa týyndysyna qazaqstandyq patent alyp úlgergen shahmatshy qazirde jas jetkinshekterdi júz sharshyly shahmatqa baýlýda.
Júz sharshyly shahmattyń qazirgi kúnde álemge 28 túri belgili. Degenmen Aleksandr Kocherninniń aitýynsha, eshqaisysy tabiǵat zańdylyǵyna sai kelmeidi.
– Klassikalyq 64 sharshyly nemese ózge 100 sharshyly shahmattyń qai-qaisysy patshaǵa «mat» qoiýdan aiaqtalady. Biraq, men usynyp otyrǵan úlgide patshadan bólek «hanshaiym» men «hanzada» degen taǵy 2 tas bar. Eger oiyn barysynda qarsylas tas patshany alyp tastaǵan jaǵdaida, «bilik» balasynyń, iaǵni hanzadanyń qolyna kóship, oiyn jalǵasady, – dedi Aleksandr Kochernin.
Oilap tapqan shahmat úlgisimen birneshe elde bolyp qaitqan shahmatshy ózge el mamandary oń baǵalaryn bergenin aityp, aldaǵy ýaqytta bul úlgini áli de damyta túsetindigin jetkizdi.
