شقو تۇرعىنى الەكساندر كوچەرنين جٷز شارشىلى شاحماتتىڭ كلاسسيكالىق تٷرٸن ويلاپ تاپتى. ٶزٸنٸڭ جاڭا تۋىندىسىنا قازاقستاندىق پاتەنت الىپ ٷلگەرگەن شاحماتشى قازٸردە جاس جەتكٸنشەكتەردٸ جٷز شارشىلى شاحماتقا باۋلۋدا.
جٷز شارشىلى شاحماتتىڭ قازٸرگٸ كٷندە ەلەمگە 28 تٷرٸ بەلگٸلٸ. دەگەنمەن الەكساندر كوچەرنيننٸڭ ايتۋىنشا, ەشقايسىسى تابيعات زاڭدىلىعىنا ساي كەلمەيدٸ.
– كلاسسيكالىق 64 شارشىلى نەمەسە ٶزگە 100 شارشىلى شاحماتتىڭ قاي-قايسىسى پاتشاعا «مات» قويۋدان اياقتالادى. بٸراق, مەن ۇسىنىپ وتىرعان ٷلگٸدە پاتشادان بٶلەك «حانشايىم» مەن «حانزادا» دەگەن تاعى 2 تاس بار. ەگەر ويىن بارىسىندا قارسىلاس تاس پاتشانى الىپ تاستاعان جاعدايدا, «بيلٸك» بالاسىنىڭ, ياعني حانزادانىڭ قولىنا كٶشٸپ, ويىن جالعاسادى, – دەدٸ الەكساندر كوچەرنين.
ويلاپ تاپقان شاحمات ٷلگٸسٸمەن بٸرنەشە ەلدە بولىپ قايتقان شاحماتشى ٶزگە ەل ماماندارى وڭ باعالارىن بەرگەنٸن ايتىپ, الداعى ۋاقىتتا بۇل ٷلگٸنٸ ەلٸ دە دامىتا تٷسەتٸندٸگٸن جەتكٸزدٸ.
