Shyǵys Qazaqstan oblysynyń turǵyny Ádilhan Aýǵaliuly sýǵa batyp bara jatqan qyzdy qutqaryp qaldy, dep habarlaidy "Ult aqparat".
ShQO TJD baspasóz qyzmetiniń málimetine súiensek, Taýly Úlbi sý qoimasynyń jaǵasynda demalyp jatqan er adam kómekke shaqyrǵan aiqaidy estip qalady. Esh oilanbastan sýǵa sekirgen ol batyp bara jatqan qyzdy qutqaryp qalǵan.
Departament mamandarynyń aitýynsha, bul tereń jáne aǵyny qatty sý aidynynda qaiǵyly jaǵdaidyń oryn alý qaýpi joǵary.
«Aiqaidy estigende qyzdyń jaqyn jerde batyp bara jatqanyn birden túsindim. Qutqarýshylardy shaqyrýǵa ýaqyt bolmady. Mundai sátte ár sekýndtyń quny altynǵa bergisiz. Qyzdyń tý syrtynan júzip baryp ustap aldym da jaǵaǵa deiin alyp shyqtym», - dep beibit kúnniń batyry sol bir syn saǵatty eske aldy.
Osy rette, TJD qutqarýshylary óńir jurtshylyǵyna sý aidyndaryndaǵy qaýipsizdik erejelerin qatań saqtaý qajettigin eskertti.
