sýret ashyq derekkózden alyndy
Shyǵys Qazaqstan oblysynda jer úide órt shyǵyp, 27 jastaǵy áiel kóz jumdy, kúieýi aýyr jaǵdaida aýrýhanaǵa tústi, dep habarlaidy QazAqparat.
ShQO Tótenshe jaǵdailar departamenti baspasóz qyzmetiniń qyzmetiniń málimetine súiensek, oqiǵa búgin tańǵy ýaqytta Glýbokoe aýdanynda bolǵan.
Beloýsovka kentinde Sverdlov kóshesindegi jer úide órt boldy. Sol jerge órt sóndirýshiler kelip jetkende úidiń shatyry, tereze jáne esik bloktary, ishtegi turmystyq tehnika men jeke zattar janyp jatqan. Úiden 27 jastaǵy áieldiń denesi tabyldy.
Sondai-aq órt saldarynan 30 jastaǵy úi iesiniń denesin ortasha dárejedegi termiialyq kúiik shalǵan. Ony jedel járdem dárigerleri aýrýhanaǵa jansaqtaý bólimshesine jetkizdi.
«Belgili bolǵandai, tańerteń erte oianǵan er adam órtti kórip, balasyn janyp jatqan úiden shyǵaryp úlgerdi. Sodan soń qaita oralyp, áielin izdeý úshin ashyq jalynǵa oranǵan úige kirdi. Alaida tilsiz jaý bet qaratpaǵandyqtan denesin kúiik shalyp, syrtqa shyǵyp úlgerdi. Al jubaiy shyǵa almai qalǵandyqtan mert boldy», - delingen aqparatta.
Órt sóndirýshiler jalpy aýdany 70 sharshy metrdi quraǵan otty tolyqtai aýyzdyqtady. Jalyndy sóndirýge jeke quramnan 12 adam jáne 3 tehnika jumyldyrylǵan. Aldyn ala derek boiynsha órttiń shyǵý sebebi – otty abaisyz qoldaný nemese elektr jabdyqtaryn ornatý jáne paidalaný kezinde órt qaýipsizdigi talaptaryn saqtamaý.
