Shyǵys Qazaqstan oblysynyń turǵyndary kómir sapasyna qatysty shaǵymdanyp jatyr, dep habarlaidy QazAqparat.
Sońǵy kúnderi áleýmettik jelilerde shyǵysqazaqstandyqtar kómirdiń sapasyzdyǵyna bailanysty narazalyqtaryn bildirýde. Keibireýler biyl jylytý maýsymy qarsańynda satylyp jatqan kómirde basqa qosyndylardyń kóptigine shaǵymdansa, endi biri kómirdiń tym usaqtyǵyn aitýda.
«Kópir sapasyzdyǵyna qatysty óńir turǵyndarynyń shaǵymdaryna bailanysty «Qarajyra» AQ-ǵa jáne temirjol tuiyqtarynyń ielerine suraýhat jiberildi. Ázirge resmi jaýap kelgenin kútip otyrmyz. Soǵan bailanysty tiisti sharalar qabyldanady», - dep habarlady ShQO Energetika jáne turǵyn úi-kommýnaldyq sharýashylyq basqarmasy.
Aita keteiik, biyl óńirde kómir tonnasynyń baǵasy – 10300 teńgeni quraidy. Al ótken jyly 9600 teńge bolǵan.
