- Shyǵys Qazaqstan oblysynyń ákimi Danial Ahmetov bastaǵan delegatsiia búgin Qyzyljar aýdanynyń Novonikolskoe aýylyndaǵy «Zenchenko i K» komanditti seriktestiginde boldy, dep habarlaidy QazAqparat SQO ákimdiginiń baspasóz qyzmetine silteme jasap.
Qonaqtar munda atalǵan kásiporyn qarjylandyratyn hokkei korty, aýyl klýby siiaqty áleýmettik sala nysandarymen tanysty. Jyl sońyna deiin munda ambýlatoriia men bassein qurylysy aiaqtalmaq.
«Eń úlken qoldaýdy osy nysandardy, biz óndirip otyrǵan ónimderdi sýbsidiialaý túrinde árine, memleket kórsetip otyr. Osynyń barlyǵy kompaniianyń qarjysyna óndirilýde. Bunyń barlyǵy turǵyndar osy aýylda turyp, ózderin yńǵaily seziný úshin jasalǵan dúnieler»,-deidi «Zenchenko i K» kompaniiasy direktorynyń orynbasary Ivan Zenchenko.
Komanditti seriktestikte 750-ge jýyq adam eńbek etýde. Shyǵys Qazaqstan oblysynyń ákimi Danial Ahmetov biznes pen memlekettiń mundai áriptestigi ózge kásipkerler úshin úlgi bolýy kerektigin aitty.
Sonymen qatar qonaqtar aimaqtaǵy mal sharýashylyǵy kesheninde boldy. Munda 7214 bas MIQ bar. Olardyń arasynda baǵýǵa arnalǵandary - 2 613, al, buzaýlar - 254. «Karýsel» atty siyr saýatyn germaniialyq qurylǵy táýligine 105 myń basty qabyldai alady jáne kúnine 20 litr sút daiyndaidy.
Seriktestiktiń barlyq ónimderi sút zaýytynda óńdeledi. Ol jerden sút pen ashyǵan súttiń 40 túri shyǵarylyp, olardyń barlyǵy da Qazaqstan aimaǵyna taratylady.
Mundai bazalar sharýashylyqta ekeý. Olardyń árqaisynynyń qurylysy qurylǵylardy qosa alǵanda 75 mln teńgege alynǵan. Danial Ahmetovtyń aitýynsha, mundai tájiribeni soltústikqazaqstandyq áriptestermen almaspasa bolmaidy.
«Biz nelikten ózimizde 400 mln teńgege 400 basqa arnalǵan sút fermasy salynyp jatqanyn, al, munda 75 mln-ǵa salynǵanyn túsinip alýymyz kerek. Osy rette men ShQO aýyl sharýashylyǵy basqarmasynyń bastyǵyna olardyń nelikten Soltústik Qazaqstan oblysynyń tájiribelerin úirenbei júrgendigin suraimyn»,-dedi Danial Ahmetov.
Sapar sońynda qonaqtar jylqylardy tamashalady. Kásiporynda olardyń sany 300 bas. Olardyń úshten biri asyl tuqymdy.
