Jańa oqý jylynda Semeide jalpy bilim beretin 50 mektepte IT-synyptar ashyldy.
Óńipdiń 50 mektebinde robototehnika kabinetteri jumys icteitin boldy. Bul tsifplyq tehnologiialardy damytýǵa baǵyttalǵan Memleket basshysynyń tapsyrmasy jáne «Nur Otan» partiiasynyń bastamasymen «Menin mektebim» jobasy aiasynda júzege asyrylyp otyp.
IT synyptarǵa qajetti qural-jabdyqtar demeýshilerdiń kómegimen satyp alynǵan. Árbir synyp 11 noýtbýk, diodty ekran, robototehnika jiyntyqtary, 3D printerlermen jabdyqtalǵan. Mektep oqýshylary robototehnika, modeldeý, baǵdarlamalaý, aqparattyq jáne kommýnikatsiialyq tehnologiialar negizderin úirený úshin zamanaýi jabdyqtarmen jumys jasaityn bolady.
Oqýshylarǵa bes modýl boiynsha teoriialyq jáne praktikalyq daiyndyqty aiaqtaǵan muǵalimder bilim beredi. Barlyǵy 100-ge jýyq informatika pániniń muǵalimi robototehnikalyq jobalardy modeldeý, baǵdarlamalaý boiynsha bilimderin jetildirgen.
Mundai IT synyptardyń oqýshylarǵa bereri kóp bolmaq. Bolashaqta mektep bitirgen jas talapkerdiń daiyn maman bolýyna da aitarlyqtai septigin tigizbek.
«Qalada mektep oqýshylaryna arnalǵan tsifrlyq bilim men daǵdylardyń qol jetimdi bolýyn qamtamasyz etý qarastyrylǵan. Munan ózge tsifrlyq saýattylyqty arttyrý jáne aqparattyq tehnologiialardy damytýǵa baǵyttalǵan jumystar jalǵasyp jatyr. Bul óz kezeginde oqýshylardyń jeke qabiletterin odan ári damytyp, qyzyǵýshylyqtaryn arttyrýǵa yqpal etedi» – deidi Semei qalasynyń ákimi.
Bastaýysh synyptyń oqýshylaryna sabaq oiyn túrinde, kórneki quraldar arqyly júrgiziledi. Al, 4-5 synypta robottyq júieler, 6 synypta veb-dizain negizderi, 7-9 synyp 3D modeldeý, 10-11 synyp oqýshylary mehatronika jáne logikalyq kontrollerlerdi baǵdarlamalaýdy úirenetin bolady.
Esterińizge sala ketelik, jazǵy demalys kezinde ShQO-da orta mektep ustazdary robototehnika jáne IT-tehnologiialarymen zamanaýi kabinetterinde jumys jasaý boiynsha biliktilik arttyrý kýrstarynan ótken bolatyn.
Kýrs 5 apta boiyna ótkizildi. Ondaǵy 3 apta usynylǵan baǵdarlamanyń teoriiasyn oqýǵa, al qalǵan 2 apta ustazdardyń alǵan bilimderi men daǵdylaryn óz betterimen tájiribe negizinde kórsetýine arnalyp ótkizildi.
IT-tehnologiialardy muǵalimderge oqytý úshin arnaiy baǵdarlama retinde Semeidegi «Junior training» kýrsynyń daiarlaǵan avtorlyq jobasy bekitildi.
Muǵalimderdiń biliktiligin arttyrý kýrsy «Nur Otan» partiiasynyń bastamasymen qolǵa alynyp júzege asyrylǵan bolatyn.
