Shyǵys Qazaqstan oblysynda koronavirýstyń jańa tolqyny kezinde halyqqa ýaqtyly ári sapaly meditsinalyq kómek kórsetý úshin 40 infektsiialyq statsionar daiyndaldy. Bul týraly óńirdiń densaýlyq saqtaý basqarmasy basshysynyń mindetin atqarýshy Raifa Safiollinova aitty, dep habarlaidy QazAqparat.
«Jańa tolqyn jaǵdaiynda halyqqa ýaqtyly ári sapaly meditsinalyq kómek kórsetý úshin 40 infektsiialyq statsionar daiyndalyp, meditsinalyq jabdyqtarmen tolyq qamtylǵan 6,1 myń tósek-oryn ázirlendi. Infektsiialyq statsionarlar 3 deńgeide óńirlik arada bólingen. Birinshi deńgei infektsiialyq statsonarlardyń 70 paiyzyn, 4 215 tósek-oryndy quraidy. Koronavirýs infetsiiasy tirkelgen alǵashqy jaǵdaidan bastap tósek-oryn sany 12 ese ulǵaityldy. Burynyraq 100 infektsiialyq jáne 411 provizorlyq tósek-oryn boldy. Reanimatsiialyq tósek-oryn 11 ese ulǵaitylyp, 34-ten 399 tósek-orynǵa jetkizildi», - dedi ol Ortalyq kommýnikatsiialar qyzmetindegi brifingte.
Onyń atap ótýinshe, Óskemen qalasynda jedel meditsinalyq kómek aýrýhanasynyń ǵimaraty kúrdeli jóndeýden ótkizilip, onda jańa infektsiialyq gospital ashylady. Gospital PTR zerthanamen jáne ózge de zamanaýi qural-jabdyqpen jabdyqtalǵan.
«Búginde oblysta 2 078 infektsiialyq jáne 220 karantindik tósek-oryn ázirlengen. Infektsiialyq statsionarlarda 566 patsient, al karantinde 43 patsient jatyr. Munan bólek 124 reanimatsiialyq tósek-oryn ázirlendi. Olardyń 36,2 paiyzynda patsientter bar», - dedi ol.
Sonymen qatar Raifa Safiollinova oblysta koronavirýspen aýyrǵan patsientterdiń 97,6 paiyzy emdelip shyqqanyn aitty.
