Óskemen qalasynda «Týǵan jer» atty kásipkerler forýmy ótti. Oblysta iske asyp kele jatqan «Týǵan jer» baǵdarlamasy aiasynda iri óndiris oryndary, shaǵyn jáne orta biznes ieleri bilim, densaýlyq saqtaý salalarynyń damýyna qoldaý bildirip keledi.
Qazirdiń ózinde atalmysh baǵdarlama aiasynda jalpy quny 21,5 mlrd teńgege 1 360 áleýmettik joba iske asýda. Sonyń ishinde atap ótsek, Óskemende jańa ońaltý ortalyǵy salynyp, «Nurly jol» saiabaǵy ashyldy. Sondai-aq, Zyrian, ridder qalalarynda sport mekemeleri boi kóterse, aimaqtaǵy birqatar densaýlyq saqtaý nysandary zamanaýi quraldarmen jabdyqtaldy.
Shaǵyn jáne orta biznes ókilderi de shette qalmady. Biylǵy jyldyń ózinde olardyń demeýshiligimen 5,2 mlrd teńgege 929 áleýmettik joba iske asý ústinde.
– Shaǵyn ǵana kásipti dóńgeletip otyrǵan kásipkerler qazirde iri kásiporyndarmen teń dárejede qoldaý kórsetip keledi. Ásirse aýdan kásipkerleri qarajatynyń kólemine qaramastan, balabaqsha qurylysyna qoldaý bildirip keledi, – dedi ShQO ákimi Danial Ahmetov.
Aita ketsek, «Týǵan jer» baǵdarlamasy aiasynda 2147,7 mln,teńgege abattandyrý boiynsha 289 joba iske asýda. Sonyń ishinde 150,5 mln teńgege 63 joba iske asyp, tapsyrylǵan.
