Kórneki foto: ashyq derekkózden
ShQO Ekologiia departamenti basshysynyń orynbasary jemqorlyq deregimen áshkerelendi, dep habarlaidy Antikor baspasóz qyzmeti.
"Shyǵys Qazaqstan oblysynyń Sybailas jemqorlyqqa qarsy qyzmeti Ulttyq qaýipsizdiń komitetiniń Departamentimen jáne prokýratýramen birlesip, jasyryn tergeý áreketteriniń nátijesinde oblystyń Ekologiia departamenti basshysynyń orynbasaryn áshkereledi.
Ol QR ÁQBtK-niń 328-baby 4-bóligi (Qorshaǵan ortaǵa jol beriletin antropogendik áser etý normativterin buzý) boiynsha óńirdegi kásiporyndardyń birin ákimshilik jaýaptylyqqa tartpaǵany úshin iri kólemde para aldy degen kúdikke ilindi.
Sottyń sanktsiiasymen kúdikti qamaýǵa alyndy" - delingen habarlamada.
Qylmystyq-protsestik kodeksiniń 201-babyna sáikes tergeý múddesi úshin ózge aqparat jariia etýge jatpaidy. Konstitýtsiianyń 77-baby 3-tarmaǵynyń 1-tarmaqshasyna jáne Qylmystyq-protsestik kodeksiniń 19-baby 1-bóligine sáikes, qylmystyq quqyq buzýshylyq jasaýdaǵy kinási sottyń zańdy kúshine engen úkimimen belgilengenge deiin árbir adam kinásiz dep esepteledi.
