ShQO Qatonqaraǵai aýdany Solonovka aýylyndaǵy Qaraózek ýchaskesinde qar sýynyń erýi saldarynan dalalyq jolda geologiialyq jaryqqa uqsas tereń shuńqyr paida boldy, dep jazady altaynews.kz.
Basylymnyń málimetteri boiynsha, shuńqyrdyń uzyndyǵy shamamen eki shaqyrym, kóp bóliginiń tereńdigi 5-6 metrge deiin jetedi, al eni 4-5 metr. "Osydan bir ai buryn ǵana bul jerde jol boldy degenge sený qiyn. Ol jolmen aýyl sharýashylyq mashinalary men traktorlar, avtokólikter jáne jegin kólikteri júretin. Bul jol "Jas qanat" sharýa qojalyǵynyń mal sharýashylyq qystaýlaryn bailanystyryp turǵan kúre jol bolatyn", - delingen jariialanymda.
Basylymnyń málimetinshe, eki býldozer shuńqyrdy astynan bastap kúrep jatyr. Jol eki aida qalypqa keltiriledi.
