Shyǵys Qazaqstan oblysy Glýbokoe aýdanynda jalǵan vaktsina pasportyn satqan er adam ustaldy, dep habarlaidy "Ult aqparat".
ShQO Politsiia departamenti baspasóz qyzmetiniń málimetine súiensek, buryn sotty bolǵan 43 jastaǵy er adam vaktsina pasportyn qoldan jasap, 5 myń teńgeden satqan.
«Ekpe alǵysy kelmegen azamattar jalǵan pasport jasatý úshin oǵan jeke kýálikterin berip, banktegi esepshotyna suraǵan aqshasyn jibergen. Alaiaq kompiýterdegi arnaiy qosymshanyń jáne fotoshoptyń kómegimen vaktsina pasporttaryn jasady», - deidi oblystyq PD bastyǵy Saǵat Mádiev.
Qazirgi ýaqytta kúdiktige qatysty QR QK-niń 385 (jalǵan qujat jasaý) jáne 190-baptary (alaiaqtyq) boiynsha sotqa deiingi tergeý amaldary júrgizilýde.
