Shyǵys Qazaqstan oblysynyń ákimi Danial Ahmetov «BIPEK AVTO – AZIIa AVTO» kompaniiasynyń jumystan bosatylatyn qyzmetkerlerin jumyspen qamtý máselesin qarady, dep habarlaidy "Ult aqparat".
Esterińizge sala ketsek, 2020 jyldyń 1 sáýirinde QR Indýstriia jáne infraqurylymdyq damý ministrligi«BIPEK AVTO-AZIIa AVTO» kompaniiasy usynǵan esepten keiin olardyń dánekerleý men kólik shanaǵyn boiaý mindettemelerin oryndamaǵanyn anyqtaǵan bolatyn. Keiinnen Nur-Sultan qalasynyń Mamandandyrylǵan aýdanaralyq ekonomikalyq sotynyń úkimimen kompaniiadan 173,9 mlrd teńge mólsherinde materialdyq zalaldy óndirý týraly sheshim qabyldanǵan.
«QR Eńbek kodeksiniń 53-baby 1-tarmaǵyna sáikes, «BIPEK AVTO-AZIIa AVTO» Kompaniialar Tobynyń bólimshesi jumyspen qamtý organdaryna 10 naýryzdan bastap jumystan bosatylýy múmkin 1969 adamnyń tizimin usyndy. Olardyń ishinde 1905 adam eńbekke qabiletti bolsa, 64-i zeinet jasynda. Osyǵan orai, atalǵan azamattardy jumyspen qamtý máselesin sheshý maqsatynda jedel shtab quryldy. Onyń quramyna qadaǵalaý jáne quqyq qorǵaý organdary, «BIPEK AVTO – AZIIa AVTO» kompaniiasynyń basshylyǵy kirdi», - dep jazdy Danial Ahmetov Instagram jelisindegi jeke paraqshasynda.
Ótken aptada shtabtyń úsh otyrysy ótken. Sonyń nátijesinde eńbekaqyny tóleý úshin «BIPEK AVTO-AZIIa AVTO» kompaniiasynyń buǵattalǵan shottary ashyldy. Bul rette kompaniia basshylyǵy jalaqyny 10 naýryzǵa deiin tóleý týraly sheshim qabyldaǵan.
«Óńirdegi iri kásiporyn basshylarynyń qatysýymen jedel shtabtyń taǵy bir otyrysy ótti. Ózara birlesken jumystyń arqasynda eki kún ishinde aimaqtaǵy jetekshi kompaniialardyń bos jumys oryndarynyń tizimi jasalǵan. Máselen, búginde jumystan bosatylatyn eńbekke qabiletti 1905 adam úshin oblys boiynsha 3199 bos jumys orny bar (rezerv 1294). Onyń ishinde 1303-i iri kásiporyndarda jáne 1896-y elektrondyq eńbek bazasynda.
Jiyn barysynda «Kemont» AQ Personalmen jumys departamentiniń basshysy bosatylǵan mamandardy jumysqa qabyldaý rásimin bastap ketkenin atap ótti. Búginde 80-nen astam óz mindetterin aiaqtaǵannan keiin jumysqa kirisýge daiyn ekendigin jetkizgen. Árbir adam boiynsha jedel aqparatty men kún saiyn saǵat 18.00-de jiti qaraityn bolamyn», - dedi aimaq basshysy.
Danial Ahmetov avtokólikterdi ónerkásiptik qurastyrýmen ainalysatyn otandyq zaýyttardyń basshylyǵymen kelissózder júrgizdi. Olar mamandardy qyzmetke alýǵa daiyn ekendigin jetkizdi. Sondyqtan jedel shtab «BIPEK AVTO – AZIIa AVTO» basshylyǵyna Almaty men Qostanaida jumys istegisi keletin nemese nieti bar 270 adamnyń aldyn ala tizimin daiyndaýdy usynǵan.
