Foto: Polisia.kz
ShQO-da politsiia qyzmetkerleri zańsyz dini materialdar taratqan áiel adamdy ákimshilik jaýapkershilikke tartty, – dep habarlaidy "Ult aqparat" Polisia.kz media-portalyna silteme jasap.
ShQO PD ekstremizmge qarsy is-qimyl basqarmasynyń qyzmetkerleri jedel-izdestirý is-sharalary barysynda Katonqaraǵai aýdanynyń 35 jastaǵy turǵynyn anyqtady, ol tanymal messendjerdiń kómegimen basqa paidalanýshylarǵa sot sheshimimen tyiym salynǵan beinerolikterdi jibergen.
Atalǵan quqyq buzýshylyq jasaǵany úshin ol QR ÁQBtK-niń 453-baby 4-bóligi (Buqaralyq aqparat quraldarynyń ónimin, sol siiaqty ózge de ónimdi Qazaqstan Respýblikasynyń aýmaǵynda daiyndaý, saqtaý, ákelý, tasymaldaý, taratý) boiynsha ákimshilik jaýapkershilikke tartyldy jáne 100 AEK mólsherinde aiyppul salyndy.
Shyǵys Qazaqstan oblysynyń politsiia departamenti azamattarǵa Qazaqstan musylmandary dini basqarmasynyń resmi internet-resýrstarynan alynǵan ádebietter men materialdardy basshylyqqa alý qajettigin eske salady.
